എന്‍റെ പണ്ണ്‍
വെണ്ണിലാവു പോലൊരു പെണ്ണാണ്
വെണ്ണക്കല്‍ കടഞ്ഞെടുത്തൊരഴകാണ്
വാര്‍തിങ്കള്‍ തോല്‍ക്കും ചിരിയാണ്
വാതില്‍ക്കല്‍ എന്നെയും കാത്തിരിപ്പാണ്
മധുവൂറുന്നൊരു മൊഴിയാണ്
മാന്‍പേട പോലുള്ള മിഴിയാണ്
മനസ്സില്‍ എന്നും കുളിരാണ്
മാരനെ മയക്കുന്ന കറുപ്പാണ്
ചെമ്പക പൂവിന്‍റെ നിറമാണ്
ചന്ദനം ചാര്‍ത്തിയ മണമാണ്
ചെമ്പരത്തി ചെന്‍ ചൊടിയാണ്
ചേലകള്‍ മെയ്യിലഴകാണ്
നേരം പുലരുമ്പോള്‍ കുളിയാണ്
ഈറന്‍ വേഷങ്ങള്‍ കണിയാണ്
നേരിയതുടുത്തങ് വരവാണ്
നെഞ്ചില്‍ വിടരുന്ന മലരാണ്
കാണുന്നത് എല്ലാം കളിയാണ്
കാതങ്ങള്‍ താണ്ടിയ കനവാണ്
കൊഞ്ചല് കേള്‍ക്കുവാന്‍ കൊതിയാണ്
കാലങ്ങള്‍ കാത്തു കിടപ്പാണ്
തഴുകിയുണര്‍ത്തിയ പാട്ടാണ്
തേനൂറുന്നൊരു കനിയാണ്
സ്നേഹിച്ച സുന്ദരി പെണ്ണാണ്
സ്നേഹത്തിന്‍ നിര്‍മ്മല തുടിപ്പാണ്
-ജയപ്രകാശ്.ഇ.പി-
No comments:
Post a Comment