മാവൂര്‍ ഒരു തിരിഞ്ഞുനോട്ടം
സര്‍‍വരാജ്യ തൊഴിലാളികളെ സംഘടിക്കുവിന്‍
സ്വന്തം ജീവിതം ബലി കൊടുത്തു ആയിരം മനുഷ്യര്‍
ചോരയില്‍ എഴുതിവെച്ച ധീരമാം വാക്കുകള്‍
നെഞ്ചിലെറ്റി കൊടി പിടിച്ചു നാം നടത്തിടും സമരവും
ആയിരങ്ങളള്‍ മാരകരോഗതാല്‍ മരിക്കവേ
ആറ്റിനെ മലിനമാക്കുംമീ ഫാക്ടറി
പോരടിച്ചു നാടുകടത്തിടും നമ്മള്‍ നിശ്ചയം
വേണം നമുക്ക് ശുദ്ധജലാശയവും വായുവും
മരണത്തോടു മല്ലിടും തൊഴിലാളിതന്‍
തോഴനായ്‌ തീരുവാന്‍ തന്നെ നാം ശ്രമിക്കണം
തോറ്റിട്ടാതെ തലയുയര്‍ത്തി തന്നെ നാം നില്‍ക്കണം
തലതിരിഞ്ഞ ഭുര്‍ഷ്വാസി തന്‍ മുന്നിലെന്നുമേ
രണഭേരിയല്ല നമുക്ക് പോരിനാശ്രയം
നന്മയുള്ള മാനസ്സങ്ങള്‍ തന്നെയെന്നോര്‍ക്കുവിന്‍
ഒത്തു നാം നടത്തണം വിജയ സമരഗാഥകള്‍
അടറിടാതെ ആഞ്ഞടിക്കണം ജയത്തിനായ്‌
നോക്കുവിന്‍ സഖാക്കളെ എത്രയെത്ര ഫാക്ടറികള്‍
അടച്ചുപൂട്ടി നാടുകടത്തിയെന്നാകിലും
വിജയമെന്നതേ നമുക്ക് ലക്ഷ്യമെന്നതെങ്കിലും
വിസ്മരിച്ചുകൂടാ ഒന്നു നാം സഖാക്കളെ
മാറുകില്ല പട്ടിണി പണിയെടുക്കാതൊരിക്കലും
മുതലാളിത്വമെന്ന ഭീഭത്സ സംവിധാനവും
മാറ്റണം മറിക്കണം തുരുമ്പെടുത്തോരാശയം
മാറ്റണം ചിന്തകള്‍ കാലത്തിന്‍ ഗതികള്‍കെന്നുമേ
മലിനീകരണം തടയേണ്ടതനിവാര്യമെങ്കിലും
മാര്‍ഗം ഏറെയുണ്ടധികാരി വര്‍ഗ്ഗത്തിനെന്നോര്‍‍ക്കുവിന്‍
ലക്ഷ്യം മാര്‍ഗ്ഗത്തെ സാധൂകരിക്കുമെന്നാകിലും
ലക്ഷ്യമേതുമേ കണ്ടതില്ല ഭരണ തന്ത്രങ്ങളില്‍
സര്‍‍വരാജ്യ തൊഴിലാളികളെ സംഘടിക്കുവിന്‍
മാറ്റുവിന്‍ ചിതലെടുത്ത ഭരണ സംവിധാനതെയും
കാറ്റ്പായ് മാറ്റിടാതെ പായുകില്ല നൌവ്കയും
മാറ്റിടാതെ വന്നിടില്ല മാറ്റം അന്നും ഇന്നും എന്നുമേ
-ജയപ്രകാശ്.ഇ.പി-
No comments:
Post a Comment