ദില്ലിയില്‍ മുളച്ച തകര

തകര്‍ന്നടിഞ്ഞ ദില്ലിയില്‍

തകര മുളച്ചുപോല്‍

തലതിരിഞ്ഞ വാക്ക്‌ദാനങ്ങളില്‍

പലതരം പൊള്ളത്തരങ്ങളില്‍

പറയുവാനേറയുണ്ട് പൊരുളുകള്‍

പിറന്ന നാടിനെ ഒറ്റികൊടുപ്പവര്‍ തന്‍

കഥ ശ്രവിക്കുവാന്‍ നാം ആശക്തരാം

കഥിക്കുകില്‍ രോഷം വളര്‍ന്നിടാം

വായിച്ചു കാണും നിങ്ങള്‍

വാഴിച്ച പ്രധമന്‍ തന്‍ വാക്ക്‌ദാനങ്ങള്‍

പാലിക്കേണ്ടതില്ല വാക്ക്‌ദാനങ്ങള്‍

പാതിരാവിലെ പ്രസംഗങ്ങള്‍

പഠിച്ചു പാഠങ്ങള്‍ പലവുരു

പ്രയോഗിച്ചു ഫലത്തിലവയോക്കയും

പാവങ്ങള്‍ തന്‍ പാര്‍ട്ടിയിലൂടെ

പട്ടിണിക്കാരുടെ പരിവട്ടങ്ങളില്‍

കാശിനായി തെണ്ടേണ്ടിവന്നില

കാശിയില്‍ തോറ്റു പോയെങ്കിലും

കറുത്ത ശക്തികള്‍ ധനം നല്‍കി

കറുത്ത കൊടിയേന്തുന്ന ഭീകരര്‍

സൗഗന്ധികം വിടര്‍ന്നില്ല കാശ്മീരില്‍

സഹിച്ചു മടുത്ത ജനങ്ങളില്‍

സ്പര്‍ശിച്ചതില്ലാ ജല്‍പ്പനങ്ങള്‍

ആശ്ചര്യകരമായി വിജയങ്ങള്‍

പച്ച കുതിരകള്‍ പായിച്ചു

പച്ചയായ മനുഷ്യരില്‍ ദില്ലിയില്‍

പാവങ്ങള്‍ തന്‍ പാതി വയറുകള്‍

പാതിയും കവര്‍ന്നു പൊള്ളത്തരങ്ങള്‍

വെറുതെ നല്‍കിടും തെളിനീരും

വെറുതെ നല്‍കിടും വെളിച്ചവും

വെറുതെ നല്‍കിടും സ്കൂളുകള്‍

വൈ ഫൈ മുഴുക്കെ നാട്ടിലും

വരണ്ട മനസില്‍ മുളച്ചുപൊന്തി

പുതുമഴക്ക് മണ്ണില്‍ തകരകള്‍

തളിര്‍ത്തപോല്‍ കരിയുവാന്‍ തേടി-

വരുന്ന വേനല്‍ കാണായ്കയാല്‍

തളിര്‍ത്ത തകരകള്‍ കരിഞ്ഞിടും

താളപ്പിഴകള്‍ നാം കണ്ടിടും

അത്യാഗ്രഹം ചക്രം ചവിട്ടുന്നതും

അസ്തിവാരം അടിഞ്ഞമരുന്നതും

കനകം കൊണ്ടും കാമിനി കൊണ്ടും

കയങ്ങളില്‍ മുങ്ങി മരിച്ചവര്‍

വറചട്ടിയില്‍ വ്യാമോഹസ്വപ്നങ്ങള്‍

വറുത്തെടുക്കുന്നു വിവരദോഷികള്‍

ജയപ്രകാശ്.ഇ.പി